Fréttir

Í rannsókn sem Stenstra og félagar gerðu var leitað svara við spurningu um hvaða leiðir skila hvaða hópum bestum árangri við endurkomu til vinnu eftir fjarveru vegna verkja í baki.  Það kom meðal annars  í ljós að vinnustaðir, sem greina og leysa hindranir vegna endurkomu til vinnu í veikindum/eftir veikindi, í samstarfi við starfsmenn sína, ná betri árangri við að aðstoða fólk

Samstarfsfólk hefur mikil, en oft ósýnleg áhrif í tengslum við endurkomu til vinnu. Rannsókn Åsu Tjulin og fleiri við Institute for Work & Health bendir til þess að samstarfsfólk hafi mikilvæga innsýn í hvernig best er að aðstoða veikan samstarfsmann við að koma aftur í vinnu, eða við að vera áfram í vinnu.  Þrátt fyrir þetta gleyma stjórnendur oft möguleikum sem felast í framlagi þeirra. Hlutverk samstarfsfólks er einkum mikilvægt þegar einstaklingurinn kemur aftur til starfa.

Meginhlutverk Starfsendurhæfingarsjóðs er að aðstoða einstaklinga með skerta starfsgetu til að auka hana og styrkja með það að markmiði að viðkomandi geti verið virkur þátttakandi á vinnumarkaði.  Til að slíkt sé mögulegt þarf oft að eiga sér stað  samstarf margra ólíkra aðila s.s. einstaklings, ráðgjafa, sérfræðinga, heilbrigðisstarfsmanna og síðast en ekki síst atvinnurekanda og stjórnenda á vinnustöðum.  Geta einstaklings til þátttöku á vinnumarkaði verður ekki aukin, vegin eða metin á réttmætan hátt nema í samstarfi við atvinnulífið og þá aðila sem þar stjórna og starfa.  Þ.e. vinnugeta einstaklings ræðst annars vegar af færni hans og hins vegar af þeim kröfum sem gerðar eru á vinnumarkaði í mismunandi störfum og verkefnum.  Starfsgeta einstaklings verður því ekki metin án samstarfs við atvinnulífið og eins er það ljóst að einstaklingur með líkamlega eða andlega fötlun eða skerðingu getur búið yfir fullri vinnugetu ef unnt er að finna honum verkefni við hæfi á vinnumarkaði.

Í dag starfa 22 ráðgjafar á vegum VIRK hjá stéttarfélögum um allt land í um 19 stöðugildum.  Flestir ráðgjafanna hófu störf síðastliðið haust og svo bættust fleiri við þegar líða tók á veturinn.  Það má því segja að á síðasta vetri hafi verið stigin fyrstu skrefin í þjónustu á vegum VIRK um allt land.  Auk þess að veita þjónustu hefur veturinn einnig verið nýttur til fræðslu og þjálfunar fyrir ráðgjafana og til að þróa og bæta okkar aðferðir og þjónustuferla.  Það er og verður stöðugt verkefni. Óhætt er að segja að þjónustan hafi farið vel af stað.  Tæplega 1000 einstaklingar hafa nú fengið þjónustu hjá ráðgjöfum VIRK og margir þeirra hafa einnig notið góðs af fjölbreyttum úrræðum sem VIRK hefur fjármagnað.  Eftirspurn eftir þjónustunni eykst stöðugt og höfum við þurft að bæta við ráðgjöfum á tilteknum stöðum til að mæta henni.  Til nánari upplýsinga er hér á eftir varpað fram nokkrum punktum og staðreyndum um þjónustuna á síðasta vetri:

Á heimasíðu VIRK er að finna mikið af áhugaverðum upplýsingum um starfsendurhæfingu.  Vert er að vekja athygli á að búið er að bæta við mörgum áhugaverðum fræðigreinum um starfsendurhæfingu og tengd málefni í kaflann "Fræðigreinar" sem er undir "Upplýsingar og fræðsla" - sjá einnig hér.

Reynslusögur notenda gefa mikilvægar upplýsingar um þjónustu ráðgjafa stéttarfélaganna og VIRK.  Um er að ræða stutt viðtöl við einstaklinga sem hafa notið góðs af þjónustunni.  Fleiri viðtöl hafa nú verið sett inn á heimasíðuna og er þau að finna hér:  Reynslusögur notenda.  Einnig er hægt að opna þessa síðu með því að smella á myndirnar hér til vinstri eða smella á "Reynslusögur notenda" í yfirlitinu efst til vinstri á forsíðunni.

Í lok síðustu viku fóru starfsmenn og ráðgjafar VIRK í fræðslu- og óvissuferð, þessi hópur telur nú um 30 manns.  Í ferðinni var lögð áhersla bæði á fræðslu og skemmtun og ekki síst að ráðgjafar VIRK um allt land fái tækifæri til samveru og samstarfs.  Unnið var í hópum þar sem rætt var m.a. um vinnuferla og mismunandi úrræði.  Einnig var ýmislegt til gamans gert, sungið, spilað og leikið.  Farið var í óvissuferð um uppsveitir Borgarfjarðar þar sem m.a. var skoðaður geitabúskapur, fræðst um tröll og náttúru í Fossatúni og Landnámssetrið heimsótt. 

Starfsendurhæfingarsjóður hefur gefið út ársrit um starfsendurhæfingu.  Þetta er fyrsta ársrit sjóðsins. Ritinu var dreift á morgunverðarfundi og ársfundi sjóðsins í síðustu viku.  Með útgáfu ársrits vill sjóðurinn miðla upplýsingum um starfsemina auk þess að koma á framfæri bæði innlendri og erlendri þekkingu og reynslu á sviði starfsendurhæfingar.  Þessum upplýsingum er komið á framfæri í formi umfjöllunar, viðtala og greinarskrifa. Hægt er að nálgast ritið hér.  Einnig er hægt að fá ársritið sent í pósti með því að senda inn beiðni á netfangið virk@virk.is.  Ársrit um starfsendurhæfingu

Fjölmenni var á morgunverðarfundi og ársfundi Starfsendurhæfingarsjóðs síðastliðinn fimmtudag.  Um 130 manns hlýddu á erindi Vigdísar Jónsdóttur um starfsemi sjóðsins undanfarið ár og á áhugavert erindi Jain Holmes um „Cooperatin with the Labour Market for Effective Vocational Rehabilitation“.   Hefðbundin ársfundarstörf voru síðan í framhaldi af morgunverðarfundi þar sem Gylfi Arnbjörnsson formaður stjórnar Starfsendurhæfingarsjóðs hélt erindi, ársreikningar voru samþykktir, stjórn skipuð til næstu tveggja ára og endurskoðandi kjörinn.  Glærur/erindi framsögumanna má finna hér: Gylfi Arnbjörnsson Jain HolmesVigdís Jónsdóttir  

Starfsendurhæfingarsjóður stendur fyrir morgunverðarfundi fimmtudaginn 29. apríl 2010 frá kl. 8:15 – 10:00 á Grand hótel Reykjavík.  Á fundinum mun Vigdís Jónsdóttir gera grein fyrir starfsemi sjóðsins undanfarið ár og Jain Holmes sérfræðingur og ráðgjafi í starfsendurhæfingu í Bretlandi flytur fróðlegt erindi um starfsendurhæfingu í atvinnulífinu.  Erindi hennar nefnist “Cooperation with the Labor Market for Effective Vocational Rehabilitation”.  Jain Holmes er virtur ráðgjafi og fræðimaður á sviði starfsendurhæfingar og hefur m.a. gefið út fræðslurit og kennslubækur á þessu sviði.  Fundurinn er öllum opinn og er hann í boði Starfsendurhæfingarsjóðs. Sjá nánari upplýsingar hér. Hæt er að skrá sig á heimasíðunni, hægra megin á forsíðunni, eða senda póst á virk@virk.is