VIRKT fyrirtæki

Gott samstarf atvinnulífstengla VIRK við fyrirtæki og stofnanir er grundvöllur farsællar atvinnutengingar.

Atvinnutenging VIRK er í samstarfi við hundruð fyrirtækja og stofnana varðandi aðstoð við einstaklinga sem eru að ljúka starfsendurhæfingu og vilja stíga skrefin aftur út á vinnumarkaðinn. Samstarf við fyrirtæki og stofnanir gengur vel og viðtökur eru góðar - dýrmæt tækifæri hafa orðið til fyrir einstaklinga í atvinnutengingu.

Á ársfundi VIRK 2023 var viðurkenningin VIRKT fyrirtæki veitt í fyrsta sinn til fyrirtækja sem sinnt hafa samstarfinu við VIRK sérlega vel og sýnt samfélagslega ábyrgð - og þannig hvatt önnur fyrirtæki til góðra verka.

Össur Iceland og Vista verkfræðistofa hlutu viðurkenninguna VIRKT fyrirtæki 2023 og Símstöðin og Hrafnista Laugarás/Sléttuvegi hlutu viðurkenninguna VIRKT fyrirtæki 2024.

Að þessu sinni voru 11 fyrirtæki og stofnanir tilnefnd og viðurkenningin verður veitt tveimur þeirra á ársfundi VIRK 29. apríl n.k. 

Tilefnd sem VIRKT fyrirtæki 2025

• Akureyrarbær, Velferðarsvið

• Eir

• Frú Pálína

• Hjálpræðisherinn

• Hrafnista

• Hringanes 

• Isavia

• Í-Mat 

• Rafver

• Sjóvá

• Útfararþjónusta Suðurnesja