Fréttir

Helga Karlsdóttir hefur verið ráðin í stöðu ráðgjafa í starfsendurhæfingu fyrir stéttarfélög í Borgarfirði og á Snæfellsnesi.  

Ársfundur Starfsendurhæfingarsjóðs verður haldinn í apríl 2010. Af því tilefni  gefur sjóðurinn út ársrit sem mun innihalda ársskýrslu og annan fróðleik um Starfsendurhæfingarsjóð. Einnig  er áætlað að hafa fræðilega umfjöllun um starfsendurhæfingu í  ritinu. VIRK óskar því eftir fræðigreinum sem tengjast starfsendurhæfingu, frá aðilum sem hafa áhuga á málaflokknum  og vilja fjalla um starfsendurhæfingu  á  fræðilegum nótum.  Vinsamlega sendið inn hugmyndir að efni til Ingibjargar Þórhallsdóttur sérfræðings hjá VIRK á ingalo@virk.is í síðasta lagi 31. janúar. Skiladagur greina verður síðan 12. mars og útgáfa á ársfundi Starfsendurhæfingarsjóðs. Almennt er gert  ráð fyrir að lengd greina fari ekki yfir 2500 orð ( u.þ.b. 15000 stafi og bil)  

VIRK hefur útbúið rammasamning við sálfræðinga þar sem skilgreind er sú þjónusta sem VIRK óskar eftir að kaupa frá sálfræðingum.  Sálfræðingar sem uppfylla þau skilyrði sem fram koma í samningnum geta sent VIRK umsókn um skráningu á samninginn og senda þá um leið verðtilboð í þá þjónustu sem þar er skilgreind.  Samningurinn tekur gildi frá og með 1. febrúar 2010.  Nánari upplýsingar um samninginn og umsóknareyðublað vegna hans má finna hér.

Fyrirtæki sem vilja draga úr fjarvistum vegna veikinda  geta nýtt sér reynslu og þekkingu annarra í þessum efnum.  Eftirfarandi tíu ráð hafa reynst best:

Atvinnutenging er mikilvægur þáttur þegar árangur í starfsendurhæfingu er skoðaður. Það sem þar skiptir máli er sveigjanleiki, skilningur  og stuðningur atvinnurekanda. Aðrir þættir tengjast oft félagslegu umhverfi svo sem stuðningi frá fjölskyldu og vinum. Fyrir ákveðinn hóp sem býr við skerta starfsgetu vegna slysa, veikinda eða fötlunar getur atvinnutengingin falist í að skapa sér atvinnutækifæri í eigin rekstri, sem býður þá upp á þann sveigjanleika og áhugatengingu  sem starfsgeta viðkomandi leyfir.

Það hafa nú farið um 400 manns í gegnum grunnmat hjá ráðgjöfum í starfsendurhæfingu. Vegna þeirrar reynslu sem komin er var ákveðið að fara af stað með rýnihóp í þeim tilgangi að betrumbæta þau verkfæri sem lögð eru til grundvallar í grunnmati.  Það þótti mikilvægt að fá á sama tíma sjónarmið sem flestra inn í þessa vinnu og var því leitast eftirsamstarfi  við opinbera aðila. Verkefnisstjóri þessa verkefnis er Ása Dóra Konráðsdóttir, sérfræðingur VIRK. Í þessum hópi eiga annarsvegar sæti fimm ráðgjafar í starfsendurhæfingu sem starfa í samvinnu við VIRK og hafa víðtæka þekkingu og reynslu á þessu sviði.  Þessir ráðgjafar eru:

Þjónusta á vegum VIRK og stéttarfélaganna hófst að verulegu leiti núna í haust þar sem mjög margir ráðgjafar komu til starfa í ágúst og september og síðan bættust fleiri við í október og nóvember.   Starfsemin hefur farið vel af stað og nú hafa yfir 400 manns leitað aðstoðar hjá ráðgjöfum  og um 300 manns eru í reglubundnum viðtölum hjá ráðgjafa eða í öðrum skipulögðum starfsendurhæfingarúrræðum sem kostuð eru af VIRK.   Þessi fjöldi eykst í hverri viku og sjáum við fram á stöðuga aukningu næstu vikur og mánuði.  Á sumum svæðum og hjá sumum félögum sjáum við strax að þörf er á auknum fjölda ráðgjafa til að ná að sinna eftirspurn eftir þjónustunni og er verið að gera ráðstafanir til að bregðast við því.  Mikil ánægja hefur verið hjá þeim einstaklingum sem leitað hafa til ráðgjafa og nú þegar eru nokkrir tugir einstaklingar komnir aftur í vinnu eftir að hafa fengið viðeigandi aðstoð varðandi virkni og starfsendurhæfingu.  Einstaklingar koma inn í þjónustu eftir ýmsum leiðum.   Sumir eru á dagpeningum hjá sjúkrasjóðum og hefur verið boðið í viðtal hjá ráðgjafa, aðrir fá greidd laun frá atvinnurekanda í veikindum og hefur verið bent á þjónustuna af stjórnanda, trúnaðarmanni eða stéttarfélagi.  Síðan  hafa einstaklingar fengið ábendingu um þjónustuna frá sínum heimilislækni og aðrir hafa lesið um þjónustuna í tímaritum stéttarfélaga eða á heimasíðu VIRK.

Á síðustu 10 árum hefur einstaklingum sem ekki  taka þátt á vinnumarkaði vegna skertrar starfsgetu fjölgað mikið.  Fjöldi örorkulífeyrisþega er um 15.000 og hefur fjölgað um ríflega 6000 manns á síðustu 10 árum. Kostnaður samfélagsins vegna þessa nemur tugum milljarða króna á ári auk þess sem lífsgæði hjá viðkomandi einstaklingum og fjölskyldum þeirra eru skert.  Kostnaður á vinnumarkaði vegna veikinda og slysa nemur að auki milljörðum króna á ári en draga má verulega úr þessum kostnaði með stjórnun og fyrirbyggjandi aðgerðum.  Til viðbótar þessu námu greiðslur TR vegna örorkulífeyris 17,2 milljörðum króna á árinu 2008 og lífeyrissjóðanna um 8,4 milljarða, sem er um 17% af heildargreiðslum þeirra til lífeyrisþega.  Það er því hagsmunamál einstaklinga, atvinnurekenda og samfélagsins í heild að snúa þessari þróun við.  Rannsóknir hafa sýnt að öflug starfsendurhæfing skilar verulegum ávinningi – bæði fjárhagslegum og ekki síst í betri lífsgæðum þátttakenda. Þörf á markvissari vinnubrögðum......

Undanfarnar vikur hafa sérfræðingar VIRK ásamt ráðgjöfum farið í heimsóknir í fyrirtæki og kynnt fyrir stjórnendum hlutverk og starfsemi sjóðsins sem og hlutverk ráðgjafa í starfsendurhæfingu.  Í þessum kynningum er einnig fjallað um mikilvægi þess að grípa snemma inn í ferlið þegar einstaklingar eru með veikindarfjarveru og eiga erfitt með að sinna sínu starfi.  Þegar um slík tilfelli er að ræða bendum við stjórnendum á að hægt er að hafa samband við ráðgjafa í starfsendurhæfingu hjá stéttarfélagi viðkomandi starfsmanns sem getur veitt viðkomandi aðstoð. Ef starfsmaður er fjarverandi vegna veikinda til lengri tíma getur ráðgjafi, í samstarfi við starfsmanninn, stjórnendur og nauðsynlega fagaðila og  sett í gang áætlun um endurkomu til vinnu. Þessi þjónusta er bæði starfsmanninum og atvinnurekandanum að kostnaðarlausu.

Ráðstefnan "Virkjum fjölbreyttari mannauð", var haldin var 9. og 10. nóvember s.l.  Ráðstefnuna sóttu meira en 200 þátttakendur  og voru þar flutt mörg áhugaverð erindi. Undir yfirskriftinni "Atvinna fyrir alla" voru kynnt verkefni frá Norðulöndum og Íslandi sem flest fjölluðu um hvernig er hægt að aðstoða fólk við að fara aftur í vinnu eftir langtíma atvinnuleysi eða fjarveru frá vinnumarkaði vegna skertrar starfsgetu.