Vigdís Jónsdóttir framkvæmdastjóri, Auður Þórhallsdóttir sviðsstjóri mannauðsmála og Jónína Waagfjörð, sviðsstjóri þróunar atvinnutengingar eru tilnefndar til stjórnunarverðlauna Stjórnvísi 2019. Vigdís hlaut stjórnunarverðlaunin árið 2015.

Verðlaunin, sem nú verða veitt í tíunda sinn, eru veitt stjórnendum fyrirtækja sem skara framúr á sínu sviði og er ætlað að „vekja athygli á framúrskarandi starfi stjórnenda, örva umræðu um faglega stjórnun og hvetja félagsmenn til að auka þekkingu sína, hæfni og færni sem stjórnendur."

Dómnefnd Stjórnunarverðlaunanna 2019 stefnir að því að veita verðlaun í þremur mismunandi flokkum í þetta sinn: Frumkvöðull, millistjórnandi og yfirstjórnandi. Stjórnunarverðlaunin verða afhent 28. febrúar.

Hér má sjá þá sem eru tilnefndir til Stjórnunarverðlauna Stjórnvísi árið 2019.