Á höfuðborgarsvæðinu hefur verið starfandi sérhæft matsteymi sem nú hefur verið eflt til muna með aðkomu fleiri sérfræðinga. Fyrsti fundur þessa sérfræðinga var haldinn í Sætúni 1 í síðusta viku þar sem farið var yfir hugmyndafræði Starfsendurhæfingarsjóðs, verkfæri og verkferla tengdu sérhæfðu mati.

Sérhæft mat felur í sér nánari greiningu og mat utanaðkomandi sérfræðinga á stöðu og möguleikum einstaklingsins. Á grundvelli sérhæfðs mats er tekin ákvörðun um hvort, og þá hvernig, megi efla starfshæfni. Niðurstaða matsins segir til um starfsendurhæfingarmöguleika einstaklings og tillögur að úrræðum í samræmi við það. Einnig eru sérstaklega skoðaðir möguleikar og úrræði sem stuðla að endurkomu viðkomandi einstaklinga á vinnumarkaðinn. Eftir að niðurstöður sérhæfðs mats hafa verið kynntar fyrir viðkomandi einstaklingi eru þær, í samráði við hann, sendar heimilislækni eða viðeigandi meðferðaraðilum. Í sérhæfðu matsteymi á höfuðborgarsvæðinu eru eftirtaldir aðilar:

• Ólöf Bjarnadóttir taugalæknir og endurhæfingarlæknir
• Gunnar Guðmundsson endurhæfingarlæknir
• Ólafur Þór Ævarsson geðlæknir
• Berghildur Ásdís Stefánsdóttir sjúkraþjálfari
• Margrét Theodórsdóttir iðjuþjálfi
• Rúnar Helgi Andrason sálfræðingur
• Smári Pálsson taugasálfræðingur
• Davíð Vikarsson sálfræðingur
• Andrés Kristjánsson sjúkraþjálfari

Matsstjóri sérhæfðs mats er Ása Dóra Konráðsdóttir sérfræðingur Starfsendurhæfingarsjóðs

Fyrsta sérhæfða matsteymið á landbyggðinni hefur nú tekið sín fyrstu skref á Akureyri. Í því teymi eru eftirtaldir aðilar:

• Friðrik Vagn Guðjónsson læknir
• Ragnhildur Jónsdóttir sjúkraþjálfari
• Anna María Malmquist iðjuþjálfari
• Alice Björgvinsdóttir sálfræðingur