Helga Karlsdóttir hefur verið ráðin í stöðu ráðgjafa í starfsendurhæfingu fyrir stéttarfélög í Borgarfirði og á Snæfellsnesi.  

Um er að ræða hálft starf frá 1. febrúar 2010.  Helga er viðskiptafræðingur og stundar nú nám í kennslufræði á meistarastigi.  Hún hefur fjölbreytta starfsreynslu og reynslu í félagsstöfum og hefur m.a. tekið þátt í alþjóðlegum verkefnum er varða frumkvöðlastarf og hvatningu til nýrra verkefna.

Helga mun veita einstaklingum í Borgarfirði og á Snæfellsnesi þjónustu á sviði starfsendurhæfingar auk þess að starfa náið með stéttarfélögum og atvinnurekendum á svæðinu.