Jónína Waagfjörð sviðsstjóri þróunar atvinnutengingar fjallar um mikilvægi snemmbærar og stigvaxandi endurkomu til vinnu fyrir einstaklinga og atvinnulífið í grein sinni í ársriti VIRK.

Hún segir ljóst vera að atvinnurekendur þurfi á næstu árum að bregðast við vaxandi áskorunum sem fylgi hækkandi aldri vinnuaflsins en búast megi við að aldurshækkuninni fylgi aukning á endurteknum, krónískum eða sveiflukenndum einkennum sem munu hafa áhrif á vinnugetu starfsfólks.

„Vinnuveitendur þurfa þar af leiðandi að bregðast við með því að gera starfsmönnum sínum kleift að vera áfram í vinnunni þrátt fyrir skerta starfsgetu og einnig auðvelda þeim endurkomu til vinnu eftir veikindi og slys.“ segir Jónína í greininni en bendir á að endurkoma til vinnu eftir langtíma veikindi geti reynst einstaklingum mjög erfið.

Hún greinir frá rannsóknum sem sýna að stigvaxandi endurkoma til vinnu auki möguleika starfsfólks á að snúa aftur til vinnu og sýnir fram á það í greininni hvernig bæði vinnuveitendur og starfsmenn geta notið góðs af stigvaxandi endurkomu til vinnu.

Sjá grein Jónínu hér.