Tveir nýir ráðgjafar hófu störf nú um mánaðarmótin. Eymundur G. Hannesson fyrir VR og Berglind Kristinsdóttir fyrir Eflingu.

Eymundur útskrifaðist úr fjögurra ára starfsréttindanámi í félagsráðgjöf vorið 2003 og hefur unnið sem félagsráðgjafi hjá Reykjavíkurborg síðan. Hann sinnti þar auk almennrar félagsráðgjafar teymisstjórn og var húsnæðisfulltrúi í Breiðholti. Áður vann Eymundur ýmis störf, td. sem sjómaður, við bifreiðaþjónustu um árabil, hótelstörf o.fl. Eymundur lauk búfræðinámi frá Hvanneyri 1981 og stúdentsprófi frá Menntaskólanum á Egilsstöðum 1999.

Berglind útskrifaðist frá Iðjuþjálfaskólanum í Kaupmannahöfn í janúar 1998. Eftir útskrift starfaði hún á Ríkisspítalanum í Kaupmannahöfn. Hún vann við endurhæfingu fólks með taugasjúkdóma á Sjálfsbjargarheimilinu í  9 ár. Árið 2005 lauk hún sérskipulögðu B.Sc. námi iðjuþjálfa frá Háskólanum á Akureyri. Frá 2008 vann hún í Ljósinu endurhæfingu fyrir krabbameinsgreinda. Berglind lauk markþjálfanámi hjá Evolvia  2013.

Við bjóðum þau bæði velkomin til starfa og óskum þeim velfarnaðar.