Algengar spurningar í atvinnuviðtali
Hér finnur þú dæmi um spurningar sem þú getur búist við að fá í atvinnuviðtali. Þú ættir að renna yfir þær og undirbúa hvernig þú ætlar að svara.
Endilega kynntu þér efnið á Hver ert þú? ef þig vantar hugmyndir að orðum til að lýsa þér.
- Segðu mér frá sjálfri/sjálfum þér.
- Hvaða fimm orð lýsa þér best
- Af hverju sækir þú um þetta tiltekna starf?
- Hvað drífur þig áfram í starfi?
- Hvernig mun menntun þín, reynsla eða hæfileikar gagnast í starfinu hjá okkur?
- Hvers konar verkefni finnst þér gaman að leysa?
- Hvernig verkefni finnst þér erfitt að leysa?
- Hvert er viðhorf þitt til samvinnu?
- Hvers vegna sækir þú um þetta starf?
- Hvað veistu um fyrirtækið okkar?
- Hvað hefur þú að bjóða okkur?
- Segðu stuttlega frá ferli þínum.
- Hvernig líkar þér að vinna undir álagi? Gefðu dæmi.
- Hvernig vinnur þú úr ágreiningi á vinnustað? Nefndu dæmi.
- Segðu frá verkefnum sem þú hefur átt frumkvæði að.
- Segðu frá verkefnum sem þú hefur tekið að þér sem þér finnst hafa tekist sérlega vel.
- Hverjir eru helstu styrkleikar þínir?
- Hverjir eru helstu veikleikar þínir?
- Á hvaða sviðum gætir þú bætt þig?
- Hvernig telur þú að fólk sem þú hefur unnið með eða yfirmaður komi til með að lýsa þér?
- Hvernig ertu til heilsunnar?
- Af hverju hættir þú í síðasta starfi?
- Getur þú útskýrt þann tíma sem upplýsingar vantar um í ferilskránni þinni? (ef er eyða í ferli)
- Hvernig hefur mæting verið hjá þér á fyrri vinnustöðum?
- Hvar sérðu þig efir 2/5 ár?
- Hver eru langtímamarkmið þín varðandi þetta starf?
- Hvaða væntingar hefurðu til starfsins eða fyrirtækisins?
- Er eitthvað sem þú vilt spyrja um?
- Hvaða launakröfur hefur þú?
- Af hverju ættum við að ráða þig?