Atvinnutenging 2022

Atvinnutenging einstaklinga sem luku þjónustu hjá atvinnulífstenglum VIRK árið 2022

Þjónustuþegum VIRK sem gætu nýtt sér aukna aðstoð við að komast inn á vinnumarkaðinn stendur til boða að fá sérstaka aðstoð frá atvinnulífstenglum VIRK. Margir þessara einstaklinga eru með skerta starfsgetu og stefna á hlutastörf við lok starfsendurhæfingar.

Hinsvegar, eins og sjá má á myndinni „Hlutfallsleg skipting starfa eftir starfshlutfalli“ þá eru margir sem fara í fullt starf við lok þjónustu eða í 43% af störfunum.

Árið 2022 bárust 450 tilvísanir til atvinnulífstengla en 490 einstaklingar luku þjónustu hjá þeim. Við lok þjónustu voru 73,6% þeirra með vinnugetu og virkir á vinnumarkaði þ.e. fóru í vinnu, nám eða atvinnuleit.

Atvinnulífstenglar VIRK nýta sér ýmis úrræði til að auka líkur á endurkomu til vinnu og eru vinnuprófanir eitt slíkt úrræði. Vinnuprófanir geta gefið góða mynd af vinnugetu einstaklingsins og er gott að nota þegar óvissa er um hver hún er. Árið 2022 voru 45 vinnuprófanir settar af stað og af þeim urðu 38% að áframhaldandi störfum í framhaldinu.

Vinnusamningar eru einnig úrræði sem atvinnulífstenglar nýta sér til að auðvelda endurkomu inn á vinnumarkaðinn en árið 2022 voru 43 slíkir samningar gerði og urðu 40% þeirra að áframhaldandi störfum.

Mikilvægt hlutverk atvinnulífstengla VIRK er að vera í góðu sambandi við fyrirtæki og stofnanir. Í dag eru yfir 1500 fyrirtæki og stofnanir skráðar í upplýsingagrunn VIRK og mörg þeirra eru með ákveðna tengiliði sem auðveldar allt samstarf við þessi fyrirtæki.

Mikilvægt hlutverk atvinnulífstengla VIRK er að vera í góðu sambandi við fyrirtæki og stofnanir. Í dag eru yfir 1500 fyrirtæki og stofnanir skráðar í upplýsingagrunn VIRK og mörg þeirra eru með ákveðna tengiliði sem auðveldar allt samstarf við þessi fyrirtæki.

Á myndunum hér fyrir neðan má sjá áhugaverðar upplýsingar sem tengjast einstaklingum sem luku þjónustu hjá atvinnulífstenglum VIRK árið 2022.